مسيرة في حي الطفايلة وشعارات تجاوزت الخطوط الحمراء

09-12-2011 05:40 PM

جراسا نيوز -

جراسا -

خاص – نفذ العشرات من ابناء حي الطفايلة عقب صلاة ظهر الجمعة مسيرة من امام مسجد جعفر الطيار وصولا لجبل التاج أمام صيدلية غسان , للمطالبة بالاصلاحات ومكافحة الفساد وكف يد الاجهزة الامنية عن الحياة المدنية .

وهتف المشاركون بـ :

- 'قولو الله قولو الله ... ابن الأردن سيدو الله'
- 'اهتف اهتف لا تتذمر ... ما فب عنا ولا خط أحمر ... الأردن هو الخط الأحمر'
- 'يا عبد الله يا ابن حسين ... أراضينا راحت وين'
- 'يا عبد الله يا ابن حسين ... مال الشعب راح وين'
- 'يا عبد الله يا ابن حسين ... و الآثار راحت وين'
- 'بدنا نعيش بحرية ... شيلو القبضة الأمنية'
- 'ذبحونا عالحدين .. و غرقو الأردن بالدين .. المديونية صارت وين ..كله طار بعشر سنين'
- 'خصخصناها و زاد الدين .. و زادت من ضعف لضعفين ..و لحقت حتى ابن سنتين'
- 'و اللي ببطن أمه جنين'
- يلي بتكتب بالتقرير ... وصل لمعلمك الكبير ..بدو يصير بدو يصير ... الاصلاح و التغيير'
- 'و اذا ما صار التغيير ... روس كثير راح تطير'
- 'سمعلي اللي ساوموك ... ما اشتروك و ما باعوك'
- 'سمعلي المخابرات ... شعب الأردن لا ما مات'
- 'هات يا هالشعب هات ... و انت مصدر السلطات'
- 'لا عون و لا بخيت ... بدنا حكومة بالتصويت'
- 'الإنتخاب الإنتخاب ... للأعيان و النواب'
- 'ما نسكت و ما بنخاف ... لو غرمتونا آلاف'


- ' ملكنا يا نور العين .. جواب سؤالي وين .. أراضينا راحت وين؟؟؟'

- 'الأردن بدها تطهير .. و الأقصى بدو تحرير .. ما فب عنا خطوط حمرا '

*هتافات السخرية
يالله ارجع يا بخيت
يا بخيت احنا بنمزح
لا في كازينو ولا في مسرح
و لأردنا انت الأصلح
و يالله ارجع يا بخيت

احنا شلة كذابين
و ما في عنا فاسدين
و الله يجازي الظالمين
و حيولي خالد شاهين

ما في صفقة ولا صفقات
و احنا اللي بعنا الفوسفات
و امنية و باقي الشركات
و حيولي الكردي بالذات

و لا تحكو عن الفساد
و احنا خربنا البلاد
و اكلنا مال العباد
و حيولي راعي الفساد

الفرنسي صاحب دار
و ما فب عنا ولا سمسار
و احنا اللي بعنا المطار
وبعنا العقبة و الآثار
و حيولي سيدي المختار

و يا عقالي من فوق الراس
اتعوذ من الوسواس
يا حامي حمى البوتاس
ابو حمور انت الاساس

بكرا بتلبس قضية
و بقولو اغتال الشخصية
و السولافه هي هي
حيولي الحرامية

-----   some comments

» مسيرة في حي الطفايلة وشعارات تجاوزت الخطوط الحمراء



» بالصور .. الاسلاميون يحذرون الملك من شتاء ساخن



» وقفه احتجاجية في السلط .. " اسمع اسمع يا نظام .. احنا بشر مو اغنام"

» مسيرتان في العقبة والطفيلة للمطالبة بالاسراع في عملية الاصلاح

» وقفه احتجاجية في معان .. "ناس بتسرق مليارات وناس بتوكل الآفات"

» بالصور .. مسيرة وسط البلد : "لا عون ولا بخيت بدنا حكومة تصويت"

» مسيرة احتجاجية في الكرك : "الفساد الوسيلة الكبرى في خراب الدولة"

» وقفة احتجاجية في الشوبك .. "هذي الشوبك فيها سباع .. هذا وطنا ما ينباع "

» اربد:" يا نظام اسمع اسمع .. شعب الاردن ما رح يركع "

» بيان الحراك في "جمعة القانون .." : يجب محاكمة الفاسدين بدلا من محاكمة الاحرار


» الحركة الاسلامية تخرج في جمعة "كفى مماطلة"